...babai im shkoi tek i Dërguari i All-llahut (SalAllahu Alejhi ve Selem) për të kërkuar dëshmi prej tij, për dhuratën që ma ka dhënë. I Dërguari i All-llahut (SalAllahu Alejhi ve Selem) i tha atij: ´ A ke vepruar kështu me të gjithë fëmijët e tu?´ Ai i tha:´Jo.´ Ai (SalAllahu Alejhi ve Selem) i tha: ´ Ke frikë All-llahun dhe trajto të gjithë fëmijët e tu me drejtësi.´ Andaj, babai im u kthye dhe e muarr dhuratën e tij prapa."
[Hadith]

Falënderimi i takon All-llahut (Subhanehu ve Teala). Paqja dhe bekimi qofshin mbi të Dërguarin e Tij - Muhammedin (SalAllahu Alejhi ve Selem) dhe mbi familjen e tij dhe sahabet.

All-llahu ua ka bërë obligimi fëmijëve që t´i nderojnë dhe respektojnë prindërit e tyre. Ai i ka bërë të mëdha të drejtat e prindërve dhe i ka ndërlidhur obligimet ndaj prindërve me obligimet ndaj Tij dhe obligimit për të adhuruar vetëm Atë (Teuhid). All-llahu (Subhanehu ve Teala) thotë:

" Adhurone All-llahun e mos i shoqëroni Atij asnjë send, sillnu mirë ndaj prindërve..."
[En Nisa´, 36]

Dhe All-llahu i ka obliguar prindërit me obligime ndaj fëmijëve të tyre, siç janë: shkollimi dhe edukimi i mirë, kujdesi ndaj nevojave të tyre dhe të sjellurit mirë ndaj tyre.

Një prej fenomeneve të dobëta në strukturën sociale të disa familjeve është mungesa e sjelljes së drejtë ndaj fëmijëve. Disa prej baballarëve dhe nënave, me qëllim u japin dhurata disave prej fëmijëve të tyre, ndërsa të tjerëve jo. Bazuar në mendimin më të saktë, një veprim i tillë është haram (i ndaluar), përveç, nëse ka justifikim për një veprim të tillë, si p.sh. nëse ndonjë prej fëmijëve ka ndonjë nevojë, për të cilën fëmijët tjerë nuk kanë, për shembull: sëmundja, borxhi, shpërblim për memorizimin e Kur´anit, papunësia, familja e madhe, studime të vazhdueshme, etj. Prindi duhet të ketë për qëllim që, kur t´i jap një fëmiju diçka për shkaqe legjitime (shar´i), këtë gjë t´a bëjë edhe për fëmijët tjerë, po që se tregohet nevoja. Argument i përgjithshëm (delil) për këtë është ky ajet Kur´anor:

" ...bëhuni të drejtë, se ajo është më afër devotshmërisë."
[El Maideh, 8]

Argument specifik është hadithi i përcjellur nga el Nu´man ibn Bashir (All-llahu qoftë i kënaqur me të), i cili ka thënë se, babai i tij e solli tek i Dërguari i All-llahut (SalAllahu Alejhi ve Selem) dhe tha:" Ia kam dhënë ketij djali tim, një rob të cilin unë e kisha."I Dërguari i All-llahut (SalAllahu Alejhi ve Selem) tha: " A u ke dhënë diç të ngjashme edhe fëmijëve tjerë?" Ai tha: "Jo." Andaj, i Dërguari i All-llahut (SalAllahu Alejhi ve Selem) i tha: " Atëherë ktheje (robin) prapa."(Hadithi transmetohet nga Buhariu. Shiko el-Fet´h 5/211). Në bazë të një transmetimi tjetër, i Dërguari i All-llahut (SalAllahu Alejhi ve Selem) ka thënë:" Ke frikë All-llahun dhe bëhu i drejtë ndaj fëmijëve tuaj." Ai tha: Andaj, ai u kthye dhe e muarr dhuratën e tij prapa. (el-Fet´h 5/211). Sipas një transmetimi tjetër, " Mos kërko nga unë që të dëshmojë për këtë, sepse unë nuk do të dëshmojë për padrejtësi." (Sahih Muslim, 3/1243)

Mashkullit duhet t´i jipet pjesa e dy femrave, sikurse është rasti me trashëgimi. Ky është mendimi i Imam Ahmedit (All-llahu e mëshiroftë) (shiko Masaa´il el-Imam Ahmad li Abi Davud, 204). Imam Ibn el-Kajjim e sqaroi më detalisht, në sqarimin e Ebu Davudit. Nëse shikohet në gjendjen e marrëdhënieve në disa familje, do të vërhet se, disa prej atyre prindërve të cilët nuk i frikohen All-llahut, kur është çështja e dhënies së dhuratave, ata preferojnë disa prej fëmijëve mbi tjerët. Kjo mbush zemrat e fëmijëve me urrejtje ndaj njëri-tjetrit dhe mbjell rrënjët e armiqësisë. Babai i dhuron një fëmiu diçka, sepse ai (fëmiu) i përngjanë familjes së babait, ndërsa tjetrit nuk i dhuron asgjë, sepse ai (fëmiu) i ngjanë familjes së nënën; ai i jep fëmijëve të njërës grua, gjëra të cilat nuk i jep fëmijëve të gruas tjetër; apo, ai vendos fëmijët e njërës grua në shkolla private, ndërsa fëmijët e gruas tjetër jo. Kjo do t´i kthehet atij, sepse, në shumë raste, fëmiu të cilit i janë mohuar gjërat, ndërsa u janë dhënë tjerëve, nuk do t´a nderojë babain e vet në të ardhmen. I Dërguari i All-llahut (SalAllahu Alejhi ve Selem) i tha një njeriut, i cili kishte preferuar një prej fëmijëve të vet ndaj fëmijëve të tjerë, duke i dhënë atij dhurata:

" A nuk dëshiron që, ata të gjithë të të nderojnë njësoj?"
[Transmetojnë: Imam Ahmedi, 4/269; Sahih Muslim, nr.1623]

Një prej selefëve ka thënë: " Të drejtat e tyre ndaj jush janë se, ju duhet t´i trajtoni ata me drejtësi, dhe e drejta e juaj ndaj tyre është se, ata duhet t´ju nderojnë juve."

Një prej formave, në të cilat prindërit nuk i trajtojnë fëmijët e tyre me drejtësi, është kur ata lenë në trashëgimi diçka vetëm disave prej fëmijëve të tyre, apo disave u japin më shumë sesa u takon me sheriat, apo disave prej fëmijëve ua mohojnë të drejtën e trashëgimisë. Disa prej grave ua trashëgojnë arin e tyre bijave të tyre, e jo djemve, përkundër faktit se kjo është pjesë e trashëgimisë, apo gruaja deklaron në testamentin e saj se, një dhuratë të cilën ka pranuar nga një prej fëmijëve të saj t´i kthehet prap atij fëmiu, pas vdekjes së saj, duke pohuar se ajo është e mirë ndaj tij (fëmiut) sikurse ishte ai i mirë ndaj saj. E tërë kjo nuk është e lejuar, sepse njeriu nuk mund t´i trashëgojë diçka njërit prej trashëguesve, hisja e të cilit është përcaktuar me sheriat. Ajo që ka qenë pjesë e pronësisë së nënës apo babait, pas vdekjes, u takon të gjithë trashëguesve dhe duhet ndarë sipas ligjit të urdhëruar nga All-llahu.

Ç´do prind duhet t´a përkujtojë tjetrin, nëse ai apo ajo nuk ka qenë i drejtë dhe duhet të insistojnë në këtë çështje, ashtu që të implenentohet drejtësia. Kjo përfshin edhe referimin e çështjeve tek dijetarët, sikurse na tregon shembulli i cekur në hadithin e el-Num´an ibn Bashirit, i cili ka thënë:

" Babai im më dha diçka nga pasuria e tij, ndërsa nëna ime ´Amrah bint Rawaahah tha: ´ Unë nuk do të pajtohem me këtë, derisa ti të kërkosh nga i Dërguari i All-llahut (SalAllahu Alejhi ve Selem) të dëshmojë për këtë.´ Andaj, babai im shkoi tek i Dërguari i All-llahut (SalAllahu Alejhi ve Selem) për të kërkuar dëshmi prej tij, për dhuratën që ma ka dhënë. I Dërguari i All-llahut (SalAllahu Alejhi ve Selem) i tha atij: ´ A ke vepruar kështu me të gjithë fëmijët e tu?´ Ai i tha:´Jo.´ Ai (SalAllahu Alejhi ve Selem) i tha: ´ Ke frikë All-llahun dhe trajto të gjithë fëmijët e tu me drejtësi.´ Andaj, babai im u kthye dhe e muarr dhuratën e tij prapa."
[Transmeton Muslimi, nr. 1623]

Lusim All-llahun (Subhanehu ve Teala) që, të na ndihmojë t´i nderojmë prindët tanë dhe të sillemi me drejtësi ndaj fëmijëve tanë dhe të qëndrojmë të fortë në fenë tonë.

All-llahu e bekoftë Pejgamberin tonë, Muhammedin (SalAllahu Alejhi ve Selem).

burimi: Islam QA