Martesa në Islam është një çështje shumë me rëndësi. Martesa është kushti i parë i formimit të familjes dhe i lumturisë. Pejgamberi (SalAllahu alejhi ue Selem) i ka çmuar dy gjëra tek mashkulli i cili shkon tek përgjegjësi i femrës për ta kërkuar atë. Pejgamberi (SalAllahu alejhi ue Selem) ka thënë:
{ Nëse ju vjen ndonjë njeri (për të ua kërkuar ndonjë vajzë), dhe ju e pëlqeni fenë e tij (devotshmërinë e tij) dhe moralin e tij, martojeni atë vajzë për te. }
[Tirmidhiu]

Ne e kemi shembullin më të mirë tek Ummu Selim, të cilën ka shkuar Ebu Talha për ta martuar dhe Ebu Talha nuk ka qenë musliman në atë kohë. Ummu Selim i tha:
"Burrë sikurse ti nuk refuzohet, mirëpo ti je njeri qafir (pabesimtar) kurse unë jam një grua muslimane, nëse ti e pranon Islamin ky do të jetë Mehri (Mehri është një kërkesë e gruas ndaj burrit të saj, kjo kërkesë mund të jetë: para, mësim i ndonjë diturie të dobishme, ar, argjend, etj) im dhe nuk dëshiroj diç tjetër përveç kësaj."
Ebu Talha e pranoi Islamin dhe u martua.

Në një transmetim tjetër, Ummu Selim i tha:
"A e din se zotin të cilin po e adhuron ti është një dru i gdhendur nga një Habeshij (njeri i zi), nga filan fisi?" Tha: "Po," Ummu Selim i tha: "A nuk të vjen turp ta adhurosh një dru, i cili del nga toka, të cilin e ka gdhendur një Habeshij, nga filan fisi? Nëse ti e pranon Islamin, nuk do të kërkoj sadaka (lëmosh apo mehër) përveç kësaj." Ebu Talha i tha: "Do të mendohem dhe do të tregoj." Shkoi dhe pas një kohe erdh dhe tha: "La ilahe il-laAllah ue eshhedu enne Muhammeden resulullah (Une dëshmoj se nuk ka zot tjetër që e meriton adhurimin përveç Allahut (Subhanehu ue Teala) dhe se Muhammedi (SalAllahu alejhi ue Selem) është i dërguar i Tij)." Ummu Selim i tha djalit të saj: "O Enes martoje Ebu Talhan me mua."

Pastaj i tregoi Ebu Talha ngjarjen e tij me Ummu Selim, dhe i martoi Pejgamberi (SalAllahu alejhi ue Selem) me mehrin që e kishte caktuar Ummu Selim.

O vëllezër musliman, mos të ju del nga mendja juaj udhëzimi i Pejgamberit (SalAllahu alejhi ue Selem) se si ti zgjidhni burrat e vajzave apo motrave të juaja. Mos të ju mashtroj fizionomia e mashkullit apo pasuria e kësaj bote, keni frikë Allahun për një çështje e cila është në dorën tuaj. Keni kujdes dhe mos e tradhëtoni emanetin (porosinë) e Pejgamberit (SalAllahu alejhi ue Selem), mos i martoni vajzat apo motrat tuaja me ndonjë njeri i cili nuk i plotëson këto dy kushte që i ka cekur Pejgamberi (SalAllahu alejhi ue Selem):
1.Feja (devotshmëria) dhe
2. Morali

Gjithashtu, po u drejtohem edhe motrave muslimane duke ju thënë:
Bëhuni sikurse Ummu Selim, dhe mos pranoni të martoheni me ndonjë mashkull që nuk i plotëson këto dy kushte. Mos të ju mashtroj pasuria e kësaj bote, sepse pasuria e botës së amshueshme është shumë më e vlefshme.