Falënderimi i qoftë Allahut xh.sh., Zotit dhe Krijuesit të botëve! Përshëndetjet më të përzemërta Muhammedit a.s., familjes së tij të pastër, shokëve të tij besnikë, si dhe gjithë atyre që e ndjekin rrugën e tij.

Me këto pak fjalë desha që çdo muslimani dhe muslimaneje t'i ofrojë mënyrën e namazit të Pejgamberit a.s. që t'i shërbejë si shembull, ngase Peigamberi a.s. ka thënë:

 "Faluni ashtu siç më shihni mua duke u falur"

Në vazhdim lexuesit do t'i ofroj sqarim për këtë:

1. Të marrë abdes ashtu si e ka urdhëruar Allahu xh.sh. në kaptinën El-Maide: "0 ju që besuat! Kur doni të ngriheni për të falur namazin, lani fytyrat tuaja dhe duart tuaja deri në bërryla; fërkoni kokat tuaja e këmbët lani deri në dy zogjt..." dhe thënien e Pejgamberit a.s. "Nuk pranohet namazi i askujt prej jush pa abdes."

2. Kthimi në drejtim të Kibles - Qabes me fytyrë dhe me trup gjatë namazit, duke vendosur me zemër (fig.1), e jo me gjuhë, namazin që po e fal, qoftë ai farz a synet. Kthimi në drejtim të Kibles është prej kushteve të namazit dhe ai nuk shfuqizohet, veçse në raste të veçanta, të cilat gjinden të sqaruara në librat të dijetarëve.
[zmadho]

3. Tekbiri fillestar me të cilin lidhemi në namaz, e shqiptohet "Allahu Ekber" - "All-llahu është më i madhi".

4. Duke shqiptuar tekbirin fillestar i ngrehim duart në lartësi të veshëve (fig.2) ose të supeve.
[zmadho]