Transmeton Enesi r.a se Pejgamberi s.a.v.s kur është pyetur për vonimin e namazit të ikindis ka thënë:

"Ky është namazi i munafikut: ulet dhe e shikon diellin deri sa të del mes brinjëve të shejtanit (deri pak para se të perëndoj), pastaj ngritët dhe i fal 4 rekate, dhe nuk e përkujton Allahun vetëmse pak."
[Muslimi 21/434, 622]

Pyetja:

Selam alejkum, a mund të na sqaroni për vonesën e namazeve dhe kur llogaritet vonesë?

Përgjigje:

Bismil-lahirr-rrahmanirr-rrahim
Falënderimi i takon All-llahut, Zotit te Botrave. Paqja dhe Bekimi qofshin mbi te Dërguarin e Tij Muhammedin SalAllahu Alejhi ve Selem, familjen e tij, shokët e tij, dhe mbi te gjithë ata qe pasojnë rrugën e tij, deri ne Ditën e Gjykimit.

Vonimi i namazeve është dy lloje:

1. Vonimi i namazit deri pakë para se ti kalojë koha e tij e rregullt (d.m.th para se të hyjë koha e namazit tjetër) dhe

2. Vonimi i namazit deri sa ti kalojë koha e tij e rregullt apo deri sa të hyj koha e namazit tjetër.

1. Allahu xh.sh na ka obliguar që te jemi të kujdesshëm ndaj namazeve dhe ti falim ato në kohën e vet,apo sit ë hyj koha, Allahu xh.sh thotë:

"Pra shkatërrim është për ata që falen, Të cilët ndaj namazit të tyre janë të pakujdesshëm."
[El Maun, 4-5]

Nerdeviju, dhe Bejhakiu në Sunenin tij, transmetojnë nga hadithi i Sa'd ibn ebi Vekasit se ka thënë:

"E kam pyetur të Dërguarin e Allahut s.a.v.s për fjalën e Allahut ku thotë:
"Të cilët ndaj namazit të tyre janë të pakujdesshëm." Tha ( i Dërguari a.s.): "Ata janë të cilët e vonojnë namazin nga koha e vet."
[Këtë hadith Hakimi e bëri të vërtetë.]

Transmeton Enesi r.a se Pejgamberi s.a.v.s kur është pyetur për vonimin e namazit të ikindis ka thënë:

"Ky është namazi i munafikut: ulet dhe e shikon diellin deri sa të del mes brinjëve të shejtanit (deri pak para se të perëndoj), pastaj ngritët dhe i fal 4 rekate, dhe nuk e përkujton Allahun vetëmse pak."
[Muslimi 21/434, 622]

Ky është vendimi i Allahut për atë i cili e vonon namazin deri pak para se ti del koha e tij (d.m.th para se të hyj koha e namazit tjetër).

2. Kurse ai i cili e vonon namazin deri sa të del koha apo të hyj koha e namazit tjetër, ai ka bërë një mëkat të madh për të cilin duhet penduar tek Allahu xh.sh. Allahu xh.sh thotë:

"O ju që besuat! Mos t'ju shmangin prej adhurimit ndaj Allahut pasuria juaj e as fëmijët tuaj,.."
[Munafikun, 9]

Kurse ata të cilët pasuria, tregtia, fëmijët i pengojnë nga namazi për ta falë në kohën e vet, s'ka dyshim se ai është prej të humburve. Për këtë thotë Allahu xh.sh.:

Ai i cili e vonon namazin deri sa ti del koha e tij pa ndonjë arsye të sheriatit siç është p.sh gjumi apo harresa, ai konsiderohet sikurse nuk e ka fal atë namaz edhe nëse e fal atë më vonë. Nuk lejohet të vonohet namazi, përveç në dy raste: Nëse na zë gjumi ose nëse harrojmë që nuk e kemi falur namazin. Allahu xh.sh thotë:

"...Atij që kundërshton All-llahun dhe të Dërguarin e Tij i takon zjarri i Xhehennemit, aty mbetet përgjithmonë."[El-Xhinn, 23]

E lusim Allahun xh.sh që të na bëj prej atyre që janë të kujdesshëm ndaj namazit të tyre,dhe të na i fal mëkatet tona dhe të prindërve tanë dhe gjithë besimtarëve deri në Ditën e Gjykimit.