Në qoftë se një musliman e ka martuar një grua muslimane dhe nuk i përmbush ndaj gruas së tij detyrat dhe obligimet e vendosura nga All-llahu në Kur’an, dhe si rezultat, bashkëshortja e tij e braktis dinin dhe pastaj nuk mbulohet, e mund të ndodh që as mos ta praktikoj më Islamin. Pyetja ime është, cili është dënimi për veprimin e tij?

Pyetja:

Në qoftë se një musliman e ka martuar një grua muslimane dhe nuk i përmbush ndaj gruas së tij detyrat dhe obligimet e vendosura nga All-llahu në Kur’an, dhe si rezultat, bashkëshortja e tij e braktis dinin dhe pastaj nuk mbulohet, e mund të ndodh që as mos ta praktikoj më Islamin. Pyetja ime është, cili është dënimi për veprimin e tij?

Përgjigje

Falënderimi i takon vetëm All-llahut (Subhanehu ue Teala).
All-llahu (Subhanehu ue Teala) ka thënë:

"O besimtar, ruani veten dhe familjen tuaj nga zjarri , lëndë djegëse e të cilit janë njerëzit dhe gurët , të cilin do ta ruajnë engjuj të rreptë dhe të fortë. Nuk u kundërvihen asaj që i urdhëron all-llahu dhe veprojnë si janë të urdhëruar."
[Et-Tahrim, 6]

Është thënë nga Ibn Omeri se Pejgamberi, paqja dhe mëshira e All-llahut qofshin mbi të, ka thënë:
{ Çdo njeri nga ju është bari dhe çdo njëri nga ju është përgjegjës për tufën e tij. Kujdestari që kujdeset për familjen është një bari dhe është përgjegjës për tufën e vet. Kryefamiljari është një bari i familjes së tij dhe mbajtës i shtëpisë dhe është përgjegjës për ta, femra është baresha e shtëpisë së burrit dhe fëmijëve të tij dhe është përgjegjëse per ta, çdo rob është përgjegjës për pasurin e pronarit të tij dhe çdo njeri nga ju është kujdestar dhe do të jep përgjegjësi për tufën e vet. }
[Buhariu, 7138; Muslimi, 1829]

Nga këto dy tekste tregohet qartë se burri është përgjegjës për familjen e tij dhe ka detyrë t'ua mësoj atyre islamin dhe ai duhet ta përdor edhe dhunën, kur ajo është e nevojshme dhe e vetmja rrugëdalje, për të arritur qëllimin, e që është mësimi dhe praktikimi i islamit.

All-llahu do ti thërret të gjithë barinjtë e familjeve të veta për të dhënë përgjegjësi për çdo gjë dhe kush le pas dore edukimin e gruas, fëmijëve padyshim se ai është në një rrezik të madh. Në të vërtet në lidhje me këtë ka ardhur një hadith i cili është kërcënim për këtë person.

Në Sahih el-Buhari [7151] dhe Sahih el-Muslim [142] në kapitullin el-Imarah është thënë se Makal ibn Jesar el- Muzni [All-llahu qoftë i kënaqur me te] ka thënë:
"E kam dëgjuar të dërguarin e All-llahut paqja dhe mëshira e All-llahut qofshin mbi te se ka thënë: " Nuk ka rob të cilin Allahu e ka autorizuar të kujdeset për njerzimin dhe nëse ai vdes duke mospërfillur këtë, All-llahu (Subhanehu ue Teala) ka bërë të ndaluar për të Xhenetin."

Kështu që përgjegjësia e burrit ndaj gruas është e madhe dhe ai duhet të ketë frik All-llahun (Subhanehu ue Teala) dhe të bënë atë çka mundet për të përmbush atë.
Dhe gjithë herë të bënë dua për vetën e tij dhe familjen e tij që ata të udhëzohen ne rrugën e drejtë.

Edhe bashkëshortja i ka obligimet e veta ndaj burrit të saj dhe është përgjegjëse për veprimet e saja, sepse obligimet e sheriatit aplikohen sikurse te burri ashtu edhe gruja, përveç në disa raste ku islami është më i dallueshëm në disa rregulla, si për shembull kur thuhet se gruaja është më mirë ta kryen faljen e namazit në shtëpi sesa në Xhami, kjo për shkak që mos të bëhet përzierja e meshkujve me femra, hadithi që ka ardhur në Sunen et-Tirmidhi [113] se i Dërguari i All-llahut [paqja dhe mëshira e All-llahut qofshin mbi të] ka thënë:
{ Gratë janë shoqëruese të burrave. }
[Ky hadith është edhe në Sahih nga Albani Saheeh Sunan al-Tirmidhi, 1/35.]

Në hadith që është përmendur më lart thuhet se gruaja është një kujdestare dhe pergjegjëse për familjen e vet, All-llahu (Subhanehu ue Teala) thotë:

"Secili njeri është peng i asaj që ka punuar." [Et-Tur, 21]
"Dhe të gjithë në ditën e kijametit do te vijnë një nga një [pa pasur ndonjë mbrojtës për ta mbrojtur apo ndihmës për ti ndihmuar]" [Merjem, 95]

Kështu që, përgjegjësia është individuale, dhe çdo person do të jep llogari për veprimet e tij. Nëse një djalë arrin moshën madhore dhe e humb rrugën e drejt (rrugën e islamit) për shkak se prindërit e tij nuk e kanë edukuar mirë dhe lajmi për islamin i ka arritur atij, ai nuk do të ketë falje dhe arsye para Allahut (Subhanehu ue Teala), sepse All-llahu (Subhanehu ue Teala) i ka dhënë mendje dhe për këtë ai është përgjegjës edhepse babai i tij do të llogaritet për mos mbikëqyrjen dhe për mos edukimin në islam dhe ai është me më shumë përgjegjësi ne lidhje me gruan e tij kështu që gruaja duhet ti frikohet Allahut (Subhanehu ue Teala) dhe ta falënderoj All-llahun për mirësitë që ja ka dhënë All-llahu që e ka veçuar atë nga qafirat (jobesimtarët) me islamin e saj.

Ajo duhet ti kryej obligimet e veta ndaj All-llahut (Subhanehu ue Teala) dhe te largohet nga ndalesat, ajo duhet ta dijë se vdekja mund të vijë papritmas dhe pas vdekjes ka me dhënë llogari dhe do të pyetet për çdo gjë e pastaj do ketë ose xhenet që do të përjetojë kënaqësitë përgjithmonë ose xhehenem që do digjet gjithmonë, do të shkrihet ne të si rrënjët e malit sikur kripa e gurit, po si mund ta përballoj këtë zjarr një trup i njeriut të dobët?! Lusim All-llahun (Subhanehu ue Teala) të na shpëtoj neve nga ai zjarr i tmerrshëm.

Përsa u përket juve vëllau im, ju duhet të pendoheni menjëherë pa marrë parasysh se sa është i madh mëkati. Në qoftë se një njeri pendohet dhe i plotëson rregullat e pendimit, All-llahu (Subhanehu ue Teala) do ta pranoj pendimin e tij. Pastaj filloni ta mësoni gruan duke e afruar gradualisht me sjellje të mirë dhe duke e shoqëruar me pjekuri, dhe luteni All-llahun (Subhanehu ue Teala) të ju ndihmojë dhe forcojë në rrugën e Tij.