Selam alejkum, si është çështja e faljes së namazit të jacisë 20 minuta para kohe, pasiqë jacija sipas takvimit është më 22:05 min., kurse tek ne e falim më 21:45 min. A ka mundësi një sqarim, Allahu ju shperbleftë.

Pyetje:

Selam alejkum, si është çështja e faljes së namazit të jacisë 20 minuta para kohe, pasiqë jacija sipas takvimit është më 22:05 min., kurse tek ne e falim më 21:45 min. A ka mundësi një sqarim, Allahu ju shperbleftë.

Përgjigje:

Bismil-lahirr-rrahmanirr-rrahim
Falënderimi i takon All-llahut, Zotit te Botrave. Paqja dhe Bekimi qofshin mbi te Dërguarin e Tij Muhammedin SalAllahu Alejhi ve Selem, familjen e tij, shoket e tij, dhe mbi te gjithë ata qe pasojnë rrugën e tij, deri ne Ditën e Gjykimit.

Së pari vëlla, Allahu xh.sh për çdo namaz ka caktuar kohët e saj, kur hyn namazi dhe kur del. Allahu xh.sh thotë: "Në të vërtetë, es-Salah (Namazi) u është bërë obligim besimtarëve në kohë të caktuara."
[en-Nisa, 103]

Pra nuk është e lejuar që namazi të falet para apo pas kohës së tij të caktuar. Në këtë rast, nëse jacia në vendin ku jeton ti hyn në ora 22:05 nuk lejohet që ju ta falni në ora 21:45, sepse ju në këtë rast po e falni namazin para se ti hyj koha.

Ibn Hazmi Allahu e mëshiroftë ka thënë:

"Allahu xh.sh për çdo namaz ka caktuar kohë, hyn në kohë të caktuar dhe del në kohë të caktuar, dhe nuk ka dallim në mes atij i cili e fal para kohës së caktuar apo pasi që ti del koha, sepse që të dy personat nuk e kanë falur namazin në kohën kur Allahu xh.sh ua ka caktuar."
[Mehalij, 2/235]

Në këtë rast vëlla unë ju këshilloj që të shkoni dhe t’ua sqaroni xhematit këtë, dhe në qoftë se nuk kuptojnë atëherë ti je i obliguar ta falësh atë vetëm në shtëpi, sepse atyre nuk u llogaritet ky namaz, ashtu sikurse nuk i llogaritet atyre që e falin sabahun në ora 10:00 të ditës.

Dhe All-llahu e di më së miri.