Kisha dëshiruar një përgjigje të detajuar në lidhje me rregulat e përshëndetjes me gratë me dorë, si edhe mendimet e katë Imamëve dhe shumicës së dijetarëve rreth kësaj çështje?

Përgjigje:

I Lavdëruar qoftë All-lahu s.v.t..

Së pari:

     Nuk i lejohet një mashkulli, i cili beson në All-llahun (Subhanehu ve Teala) dhe në Ditën e Gjykimit, që të vendos dorën e tij mbi dorën e një gruaje e cila është e ndaluar për të apo nuk ësht prej mahrameve*  të tij. Ai, i cili vepron kështu, ka dëmtuar veten (ka bërë mëkat).

     Transmetohet nga Ma´kil ibn Jasar se ka thënë:

" I Dërguari (salallahu alejhi ve selem) ka thënë: ´ Më mirë është për ju shpuarja e kokës me një gjilpërë të hekurtë, sesa prekja e një gruaje, e cila nuk iu është e lejuar."
(Transmetohet nga el-Taberani në el-Kebir,486. Sheikh Albani (All-llahu e mëshiroftë) tha në Sahih el-Xhaami´,5045 se ky hadith është sahih)

     Ky hadith do të ishte i mjaftueshëm për të na tërhequr vërejtjen dhe për të na përforcuar në nënshtrimin ndaj All-llahut (Subhanehu ve Teala), sepse na tregon se prekja e gruas (të ndaluar) mund të qojë në sprovime dhe imoralitet. Është transmetuar se Aishja (Allahu e mëshiroftë), gruaja e Pejgamberit (alejhi selam) ka thënë:

" Kur vinin gratë te i Dërguari i All-llahut (salallahu alejhi ve selem), ato do të provoheshin në pëputhshmëri me fjalët e All-llahut (Subhanehu ve Teala):

"O ti Pejgamber! Kur të vijnë tek ti besimtaret për të të dhënë besën e besimit, se ato nuk do të bashkojnë gjë në adhurim me Allahun, se nuk do të vjedhin, se nuk do të bëjnë Zina (marrëdhënie imorale të paligjshme)..."
el Mumtahineh,12

  Ka thënë Aishja (Allahu e mëshiroftë):

" Kush prej grave pajtohej me këtë, kisht kaluar provën, dhe kur gratë pajtoheshin me këtë, i Dërguari (salallahu alejhi ve selem) u thoshte: ´Shkoni, sepse ju e keni dhënë besën e besimit.´ Jo, (betohem) për All-llahun, dora e të Dërguarit të All-lahut (salallahu alejhi ve selem) kurrë nuk ka prekur dorën e ndonjë gruaje, ato e jepnin besën e tyre vetëm me fjalë." Aishja (All-llahu e mëshiroftë) thotë: " Betohem në All-llahun, i Dërguari (salallahu alejhi ve selem) merrte betimin nga gratë vetëm në mënyrën se si e ka urdhëruar All-llahu (Subhanehu ve Teala), dhe dora e të Dërguarit të All-llahut (salallahu alejhi ve selem) kurrë nuk ka prekur dorën e ndonjë gruaje tjetër. Kur merrte betimin nga ato, ai u thoshte,:´ E morra betimin e juaj të besimit verbalisht.´ "
(Transmeton Muslimi, 1866)

     Ky njeri i bekuar, më i miri i njerëzimit, udhëheqësi i bijve të Ademit në Ditën e Ringjalljes, nuk ka prekur gratë. Kjo, edhepse betimi i besimit zakonisht bëhej me dorë. Pra, ç´të themi për njerëzit tjerë?

     Transmetohet nga Umejmah, bija e Rakikah, se ka thënë: " I Dërguari (salallahu alejhi ve selem) ka thënë, ´ Unë nuk i përshëndes gratë me dorë.´"

Së dyti:

     Nuk lejohet përshëndetja me dorë as përmes ndonjë pengese, siç janë perdet apo të ngjashme. Hadithi i mëposhtëm, i cili lejon këtë është daif (i dobët):
"Transmetohet nga Ma´kal ibn Jasaar se i Dërguari (salallahu alejhi ve selem) përshëndette gratë me dorë përmes pengesës (perde apo loj pëlhure)."
                                                              (Transmeton el Taberani në el Avsat, 2855)

     El Hajtham thotë:

" Ky është trnsmetuar nga el Taberani në el Kabir dhe el Avsat. Isnadi (zingjiri i transmetuesve) i tij përmban ´Ataab ibn Harb, i cili është daif (i dobët)."
Maxhma´el-Zavaaíd, 6/39

     Vali el Diin el ´Iraaki ka thënë:

" Fjalët e Aishes, ´ Ai merrte betimin e besimit nga gratë vetëm me fjalë´, na bëjnë në kuptojmë se ai merte betimin pa prekur duart apo përshendetur me dorë gratë të cilat jepnin betimin. Kjo poashtu na tregon se baj´ah (betimi i besimit) i burrave pranohej duke dhënë dorën dhe përshëndetur me ta, siedhe me fjalë, dhe mu këshu ka qenë. Ajo që transmetohet nga Aishja ishte e zakonshmja.

Disa nga mufasirinët thonin se i Dërguari (salallahu alejhi ve selem) kërkoi një çyp me ujë dhe zhyti dorën e tij në të, pastaj zhytën gratë duart e tyre në të (çyp). Disa prej tyre thonin se ai nuk përshëndette gratë përmes pengesës dhe kishte një mbulojë Katare mbi dorën e tij. Thuhej poashtu se, Omeri (All-llahu e mëshiroftë) përshëndetej me to në praninë e tij. Asnjë nga këto transmetime nuk janë të vërteta, e posaçërisht ky i fundit. Si do të mund të vepronte diçka Omeri (All-llahu e mëshiroftë) që i Dërguari (salallahu alejhi ve selem), i cili ishte ma´suum (i pagabueshëm) nuk do të bënte?!"
Tarh el-Tathriib, 7/45

    Sheikh ibn Baaz (All-llahu e mëshiroftë) ka thënë:

" Shqyrtimi më i drejtë është se kjo (përshëndtja e grave me dorë përmes pengesës) nuk është e lejuar asësesi, sepse kjo del nga kuptimi i përgjithshëm i hadithit, në të silin i Dërguari (salallahu alejhi ve selem) ka thënë, ´ Unë nuk i përshëndes gratë me dorë.´, dhe kjo për të larguar nga veprat që mund të qojnë në mëkate."
 (Marrur nga Hashijat Mexhmuu´at Rasaa´il fi´l-Hixhab ve´l-Sufuur, f.69)

     El Zejla´i ka thënë:

" Sa i përket transmetimit se Ebu Bekri (All-llahu e mëshiroftë) kishte zakon të përshëndetet me dorë me gratë e moshuara, poashtu është garib."
(Nasab el Raajah, 4/240)

     Ibn Haxher ka thënë: 

" Nuk mund ta gjejë këtë hadith."
(el Diraajah fi Takhreexh Ahadith el Hidaajah, 2/225)

Së treti:

     Sa i përket mendimeve të katër Imamëve, ato janë:

     1- Menhegji Hanefi:

Ibn Nuxhejm ka thënë:

     " Nuk i lejohet mashkullit që të prekë fëtyrën apo duart e një gruaje, edhe nëse nuk ka rrezik të epshit, sepse kjo është principiel haram dhe nuk ka asnjë arsyetim, i cili mund ta lejonte një gjë të tillë."
el Bahr el Raa´ik, 8/219

     2- Menhegji Maliki:

Muhammed ibn Ahmed (´Ulejsh) ka thënë:

" Nuk është e lejuar për mashkullin që të prekë fëtyrën apo dorën e një gruaje jo-mahram dhe poashtu nuk është e lejuar për të, të vendosë dorën e tij mbi dorën e saj pa pengesë. Aishja (All-llahu e mëshiroftë) ka thënë: ´ I Dërguari (salallahu alejhi ve selem) kurrë nuk ka marrur betimin e besimit të grave me dorë; ai (salallahu alejhi ve selem) merrte betimin e tyre vetëm me fjalë.´ Në një transmetim tjetër, ´ Dora e tij kurrë nuk ka prekur dorën e ndonjë gruaje, ai merrte betimin e besimit të tyre vetëm me fjalë.´"
(Manh el Xheliil Sharh Mukhtasar Khaliil, 1/223)

     3- Menhegji Shafi´:

El Nevevi ka thënë:

" Nuk është e lejuar të preket gruaja, në çfarëdo mënyre qoftë."
el Mexhmu´, 4/515

Vali el Diin el ´Iraaki ka thënë:

" Kjo na tregon se i Dërguari (salallahu alejhi ve selem) nuk ka prekur dorën e asnjë gruaje pos grave të veta dhe robëreshave, qoftë me rastin e marrjes së betimit apo në raste tjera. Nëse nuk ka bërë një gjë të tillë, edhe duke pasur parasysh faktin se ka qenë i pagabueshëm dhe larg dyshimeve, atëherë është më se e logjikshme që të tjerët t´i përmbahen kësaj ndalese. Nga teksti mund të kuptojmë se ai (salallahu alejhi ve selem) distancohej nga veprimi i tillë sepse ka qenë e ndaluar për të të veprojë ashtu. Fukahatë në sahabëve tonë si edhe të tjerët kanë thënë se është haram të preket gruaj jo- mahram, qoftë edhe nëse preken pjesë të trupit të cilat nuk janë avret, siç është fëtyra e saj. Por, ata dalluan në mendimet e tyre kur ishte fjala për rastet ku nuk ka rrezik për fitneh (sprovim) dhe epsh. Ndalesa për prekje është më e fortë se ndalesa për shikim dhe është haram kur nuk ka arsye që do ta lejonte atë. Në raste të arsyeshme, p.sh. trajtim mjeksor, nxjerrja e dhëmbit apo trajtimi i syve, etj., nëse nuk ka gra të cilat mund ta bëjnë një gjë të tillë, atëherë e lejuar për një jo- mahram ta bëjë një gjë të tillë, sepse ka arsyetim (nevojë) për një gjë të tillë.
Tarh el Tathriib, 7/45,46

     4- Menhegji Hanbeli

Ibn Muflih ka thënë:

" Ebu Abd-Allah (Imam Ahmedi) (All-llahu e mëshiroftë) është pyetur në lidhje me mashkullin i cili përshëndet gratë me dorë. Ai tha, ´JO´, dhe ishte bindur se është haram. Unë e pyeta se, a mund të pëshëndetet me dorë pas një pengese,? Ai tha ´JO´"

Sheikh Taki el Diin poashtu preferonte mendimin se është haram dhe si arsyetim dha se prekja është më serioze se shikimi.
El Adaab el Shariah, 2/257

All-llahu (Subhanehu ve Teala) e di më së miri.

Mos na harroni në duatë e juaja, insha All-llah